ПУБЛИКАЦИЮ ПОДГОТОВИЛА УЧИТЕЛЬ ИНГУШСКОГО ЯЗЫКА И ЛИТЕРАТУРЫ:Латырова Хади Юнусовна.

Наькъа волаш леладе деза эздел.

Х1ара меттиге леладе дезаш да ший эздел. Новкъа хье араваьнна водаш а эзделца хила веза. Дукха х1амаш да новкъа эздел дола оаг1орахьа леладе деза:

Новкъа водаш хьай дег1аца эздел хилийтар: саьг1аз ца 1увшар, борал хоза хилийтар, когаш текха ца беш, корт айбаь ца лелар, наушникаш йоахкаш ца хилар, кулгаш леста ца деш, аркъал ухаш ца велаш, хьай оттабаьча новкъа нийса д1авахар, цхьан оаг1орага вокха оаг1арахьа ца вувлаш.

Новкъа водаш хьайна улув баьнна болхачарца эздел лацар: хьоца цхьан новкъа водача сагал з1амаг1а хье вале, цун аьрда оаг1ув лаца беза 1а; х1аьта, хьо воккхаг1а хулий, з1амаг1вар хьайна аьрдехьа ваккха веза; хьалхашка массайта саг водий, хьо царел з1амаг1а вале, царна т1ехьа ца вусаш т1ехьашка ваьнна вола веза.

Новкъа баьнна болхача наха эша г1о дар: деза т1ормеш дола саг хьайна вайча, цун новкъастал дар; тувлавенна, никъ ца ховчунна никъ д1ахьехар е в1ашт1ехьа доалий хье цунца д1авахар, цунга никъ д1ахьокхаш; кхыдола г1о наха эшача метте 1имерза хинна царна из г1о д1адар; новкъа улла каьхат хьаэцар, кхера е ардакх кхыйола х1ама улаш яйча из юстарьяккхар.

Лакхе хьоахадаь, наькъа водаш волча сага эзделца дола г1улакхаш - х1ара сагах доахкаш да, х1ара г1алг1ачох.